Республикалағы 564 һөтсөлөк фермаһына реконструкция талап ителә. Был эште 2012 – 2016 йылдарға иҫәпләнгән комплекслы махсус программаға ярашлы башҡарасаҡтар.
Тиҙҙән тәүге төҙөлөш эштәре башланасаҡ. Әлегә программала ҡатнашырға 130 хужалыҡ теләк белдергән. Улар араһында Баҡалы, Ҡариҙел, Илеш, Ҡалтасы, Стәрлетамаҡ, Мәләүез райондары вәкилдәре иң әүҙемдәр иҫәбендә. Асҡын, Бәләбәй, Бөрйән, Хәйбулла райондарынан иһә бер хужалыҡ та был форсатты файҙаланырға теләк белдермәгән.