Ауыл хужалығы ерҙәрен мелиорациялауҙы үҫтереүгә федераль ҡаҙнанан республикабыҙ 30 миллион 82 мең һум субсидия аласаҡ.

Аҡса ауыл хужалығы етештереүселәре башҡарған эштәргә тотоноласаҡ. Субсидияның 16 571 мең һумын – гидромелиорация, 12 229 меңен – агро һәм урман мелиорацияһы, фитомелиорация, 1 212 мең һумын культура-техник сараларҙы тормошҡа ашырыуға йүнәлтеү күҙаллана. Әйткәндәй, 2142,09 миллион һумлыҡ субсидия 2013 – 2020 йылдарға иҫәпләнгән Ауыл хужалығын үҫтереүҙең һәм ауыл хужалығы продукцияһы, сеймал һәм аҙыҡ-түлек баҙарын көйләүҙең дәүләт программаһына ярашлы илдең 52 төбәге араһында бүленәсәк.