Рәсәй Президенты Хакимиәте ҡарамағындағы «Кремль» туҡланыу комбинатында Башҡортостанда етештерелгән аҙыҡ-түлек өсөн кәштә барлыҡҡа килде.

Федераль власть органдарында эшләүселәр ҡаҡланған ҡаҙ, ҡаҙы, бал һәм «Башҡортостан аҙыҡ-түлеге» билдәһе ҡуйылған башҡа аҙыҡ-түлекте һатып алыу мөмкинлегенә эйә. Быны республика проектының ил кимәлендә танылыуы тип баһаларға була. «Кремль» комбинаты Башҡортостандан ете тәьминәтсене конкурс нигеҙендә һайлап алған. Мәскәүгә ошо көндәрҙә продукцияның икенсе партияһы оҙатылған.