Тыуған ауылығыҙҙа йорт төҙөү өсөн ер ала алмай аҙаплана­һығыҙмы? Улайһа, Алыҫ Көнсығышҡа барығыҙ. Унда ер бушлай бирелә. Рәсәй Президенты тәҡдим иткән яңы закон тиҙҙән ғәмәлгә инәсәк. Уға ярашлы илебеҙҙең һәр кешеһе Камчатканан, Сахалиндан, Хабаров­скиҙан йә иһә шул тирәләге башҡа төбәктәрҙән бер гектарға хәтлем ерҙе бушлай алырға хоҡуҡлы.

Алғас та, хужаһы уны биш йыл эсендә үҙләштерергә тейеш. Шунан һуң ғына хосусилаштыра ала. Проект 1 июндән бойомға ашырыла баш­лаясаҡ. Был маҡсатта Алыҫ Көнсы­ғыштан 600 миллион гектар ер бүленә.
Әйткәндәй, граждандар электрон заявка ла ебәрә ала. Ер иһә конкур­с­һыҙ тапшырыласаҡ. Тәү сиратта – Камчаткала йәшәүселәр, 1 октябрҙән – Алыҫ Көнсығышта көн итеүселәр, ә инде 1 декабрҙән Рәсәйҙең башҡа төбәктәре вәкилдәре лә шул яҡтан ер ала башлаясаҡ. Ә бына Башҡорт­остандан алыҫ тарафтарға бушлай ер юллап күсеп китеүсе табылырмы икән?