Иң яҡшы юлдар ҡайһы төбәктә тип уйлайһығыҙ? Юҡ, Мәскәүҙә лә, Санкт-Петербургта ла түгел, ә Мурманск өлкәһендә. Рәсәйҙә уҙғарылған “Хәүефһеҙ юлдар” конкурсында уларға етеүсе булмаған.


Был ярышта йәмғеһе 58 төбәк ҡатнашҡан. Юл сифатының иң төп күрһәткесе тип үлем осраҡтарының кәмеүен, аварияларҙың һирәгә­йе­үен билдәләгәндәр. Соҡор-саҡыр­ҙар ҙа иғтибарға алынған. Һөҙөм­тәлә беренсе урын Мурманск өлкәһенә, икенсе – Приморье крайына, өсөнсө урын Төмән өлкәһенә бирелгән.
Рәсәйҙең Дәүләт Думаһы комитеты рәйесе Владимир Плигин бел­де­реүенсә, юлдарҙа үлемде кәметеү йәһәтенән байтаҡ саралар күрелә. Әгәр автоавария арҡаһында 2007 йылда 35 мең кешенең ғүмере өҙөлһә, былтыр 23 мең кеше үлгән. Әммә был һан да бик юғары. Ә инде күңелһеҙ осраҡтарҙы кәметеү өсөн тәү сиратта юлдарҙың төҙөклөгөн хәстәрләргә кәрәк.