Ил буйынса барған “Хәтер вахтаһы-2016” акцияһына ярашлы, Башҡортостандан 150-нән ашыу эҙәрмән ошо көндәрҙә Рәсәйҙең дүрт төбәгенә юлланды.

Республикабыҙҙан өс отряд Ленинград өлкәһенең Киров районында туҡталды. Улар Вороново, Хандрово, Поречье биләмәләрендә эҙләү эштәре менән шөғөлләнә. Тверь өлкәһенең Оленин районына иһә Башҡортостан вәкилдәре тәүгә сәфәр ҡылды. Ватансылыҡ тәрбиәләү үҙәгенең бүлек етәксеһе Владимир Волков әйтеүенсә, Псков өлкәһендәге 170-се уҡсылар дивизияһы һуғышҡан урындарҙа Стәрлетамаҡ отряды эш алып бара. Рәсәй “ДОСААФ”-ының төбәк бүлексәһе эҙәрмәндәре иһә Новгород өлкәһендәге “Долина” экспедицияһында ҡатнаша.