Өфөлә Бөйөк Ватан һуғышында Еңеүҙең 71 йыллығына арналған “Георгий таҫмаһы” патриотик акцияһы башланды. “Еңеү ирекмәндәре” хәрәкәтендә ҡатнашыусылар һәм баш ҡалалағы хәрби-патриотик, үҫмерҙәр клубтарында шөғөлләнеүселәр “Өфө” универмагы алдындағы майҙанда хәтер һәм хәрби дан символын таратты. 9 Майға тиклем 20 меңдән ашыу Георгий таҫмаһын өләшеп сығырға ниәтләй улар.

Илебеҙҙә был акция 2005 йылдың яҙында башланғайны. Киләһе йылына ул бөтә Рәсәй статусын алды. Георгий таҫмаһындағы төҫтәр гаммаһы Бөйөк Ватан һуғышының төп наградаларының береһендә – Дан орденында ла – файҙаланыла.
Әлеге акцияны Өфө хакимиәтенең Йәштәр эштәре комитеты, “Әфлисун” балалар, үҫмерҙәр һәм йәштәр клубтары берекмәһе, Йәштәрҙә ватансылыҡ тәрбиәләү үҙәге, Башҡортостандың хәрби хәрәкәттәр ветерандары союзы ойошторҙо.