24 апрелдә Сорғотта тәүге тапҡыр башҡорт йәштәре йыйыны уҙғарыла.

Сараға йәштәр төркөм­дә­ре­нең делегациялары саҡырылған. Сорғот ҡала­һы филармония­һының ҙур залында йәмғиәт, спорт, мәҙәниәт һәм мәғариф майҙансыҡтары эшләйә­сәк. Сара йомғаҡтары буйынса төбәктәге “Мираҫ” башҡорт йәштәре союзы­ның киләһе йылға эш планы һәм эшмәкәрлек прог­раммаһы билдәләнәсәк.
– Сорғотта башҡорт йәш­тәренең бындай йыйыны тәүгә ойошторола, — тине ойошма лидеры Рияз Бай­егетов. — Байтаҡ эш башҡарылған, ҡыҙыҡлы һәм йөкмәткеле сығыштар әҙерләнә. Ижади йәштәр­ҙән яңы проекттар һәм идеялар көтәбеҙ.
Ойоштороусылар әйте­үен­сә, төбәк башҡорт йәштәренең тәүге форумын үткәреү теләге күптән булған. Ханты-Манси автономиялы округында Башҡортостанда тыуып үҫкән меңдәрсә йәш белгес йәшәй һәм эшләй. Уларҙың бергә тупланып, төбәктең йәмәғәт тормошонда әүҙем ҡатнашыу, милли саралар ойоштороу теләге ҙур.