Ошо көндәрҙә республикала “Изгелек кәрзине” социаль проекты тормошҡа ашырыла башланы.

“Изгелек кәрзине” социаль яҡтан яҡланмаған кешеләргә ярҙам итеүгә йүнәлтелгән. Проект сиктәрендә аҙыҡ-түлек магазиндарында оҙаҡ һаҡлана торған тауарҙарҙы йыйыу өсөн махсус кәрзиндәр урынлаштырыласаҡ. Кәрзиндәге әйберҙәр һуңынан ярҙамға мохтаждарға таратып биреләсәк.