Һеңлем Наҙгөл — шундай яғымлы, ипле, һылыу ҡыҙ. Ул II класта уҡый. Төрлө түңәрәккә йөрөй, конкурстарҙа ҡатнаша. Йырларға, бейергә, һүрәт төшөрөргә әүәҫ.
Һеңлем — әсәйемдең ҙур ярҙамсыһы. Ул, әле бәләкәй булыуына ҡарамаҫтан, тәмлекәстәр бешерергә ярата. Йәйгеһен әсәйгә матур-матур сәскәләр үҫтерешә.
Атайым менән икебеҙгә малды ла ҡараша ул. Наҙгөл менән яңы тыуған быҙауҙарға, бәрәстәргә ярыша-ярыша ҡушамат һайлайбыҙ.
Һеңлем миңә лә гел генә ярҙам итә, кәңәш бирә. Биш айлыҡ ҡустыбыҙ Мораҙымды ла ҡараша.
Уны ныҡ яратам. Һәр саҡ шулай аҡыллы, уңған ҡыҙ булып ҡалыуын теләйем.