Республика Башлығының ҡарарына ярашлы, Башҡортостанда яҙғы һунар миҙгеленең башланыуы
16 апрелдән 23-өнә күсерелде һәм 2 майға тиклем дауам итә.

Башҡортостандың тәбиғәттән файҙа­ланыу һәм экология министры урын­баҫары Илдус Яхин әйтеүенсә, был үҙгәреш һунарсыларға уңайлыҡтар булдырыу өсөн эшләнгән: “Һунарсылыҡтың элекке осоронда һауа шарттарының насар булыуы арҡаһында һыу ҡошта­рының килеүе тотҡарланған. Шулай итеп, һунар итеүҙең һөҙөмтәһе кәмей. Шул уҡ ваҡытта һунарсылыҡ осороноң үҙгәреүе ҡоштарҙың һанына кире йоғонто яһамай”.
Хәтерегеҙгә төшөрәбеҙ: республика биләмәһендә ҡурпысыҡтарға, ҡыр ҡаҙ­ҙарына (һоро ҡыр ҡаҙҙарынан башҡа), ата өйрәктәргә, һуйырҙарға, ҡорҙарға һунар рөхсәт ителә. Ләкин һунарсы­лыҡтың үҙ ҡағиҙәләре барлығын оно­торға ярамай. Рәсәй Федера­цияһының һунарсылыҡ ҡағиҙәләренә ярашлы, яҙғы һунар тик һыу ҡоштары менән урман ҡоштарына ғына рөхсәт ителә. Ҡырағай хайуандар тауышы сығарған электрон приборҙар ҡулланыу, һыу ҡоштарын эҙәрлекләү өсөн кәмәләр ҡулланыу, ҡурпысыҡ­тарҙың иртәнге “тартылыу” мәлендә һунар итеү тыйыла.