Өфөлә йәшәү урыны булмағандар өсөн социаль приют асылды. Баш ҡаланың Шакша биҫтәһендә урынлашҡан бинала ҡатмарлы тормош шарттарында ҡалған кешеләргә ҡуныр урын тәҡдим итәләр, кәрәк икән, документтарыңды тергеҙеүҙә лә булышлыҡ күрһәтәләр.

– Социаль приютта йәшәү түләүле, әммә тәүлегенә 90 һумдан да ҡиммәт түгел. Бында бер йылғаса йәшәп торорға мөмкинлек бирелә. Көн һайын кис приютта тороусыға йылы аш тәҡдим ителә, – тип хәбәр итә Өфө ҡалаһы хакимиәтенең матбуғат хеҙмәте.
Приютҡа урынлашыр өсөн флюорография үтеү һәм анализдар тапшырыу шарт.
Социаль приют түбәндәге адрес буйынса урынлашҡан:
Өфө ҡалаһы, Олимпия урамы, 47/1-се йорт.
Белешмәләр өсөн телефон: 8(347) 267-21-22.