7 апрелдә киске сәғәт 7-лә “Рәсәй-24 Башҡортостан” телеканалының һәм Башҡортостан юлдаш телевидениеһының тура эфирында республика Башлығы Рөстәм Хәмитов кешеләрҙе ҡыҙыҡһындырған һорауҙарға яуап бирә.

Һөйләшеү яңы форматта ойошторола. Төбәк Башлығы менән осрашыуға республикалағы дүрт телеканалдың билдәле журналистары саҡырыла. Башҡортостан халҡының һүҙҙәрен Рөстәм Хәмитовҡа тап улар еткерәсәк. Һорауҙарҙы 8-800-700-88-25 телефоны аша бирергә (шылтыратыу бушлай), шулай уҡ “Рәсәй-24 Башҡортостан” һәм БЮТ телеканалының сайттарында ҡалдырырға мөмкин.