“Республика Башкортостан” нәшриәт йортоноң барлыҡ матбуғат баҫмаларына, шул иҫәптән “Башҡортостан” гәзитенә хәҙер почта бүлексәһенә бармайынса, хатта өйҙән дә сыҡмайынса яҙылырға мөмкин. Бының өсөн Интернет менән бәйләнеш булыуы ғына шарт.
Теләгән ваҡытта rbsmi.ru сайтына инеп, ундағы “Гәзит-журналдарға яҙылыу” бүлегенә баҫаһығыҙ ҙа тәҡдим ителгән исемлектән “Башҡортостан” гәзитен табаһығыҙ. Матбуғат баҫмаһы тураһында бөтөн мәғлүмәт бирелгән: индексы, аҙнаһына нисә тапҡыр сығыуы, форматы, күләме... Һеҙгә ҡағыҙ йәки электрон вариантты һайларға, ҡайһы айҙар өсөн яҙылырға икәнен күрһәтергә һәм түләүгә күсергә генә ҡала.