Ошо көндәрҙә Өфөлә халыҡты шаҡ ҡатырып, урам буйлап дөйә сабып йөрөгән.

Баҡһаң, Калинин районында ҡышлауға урынлашҡан зоопарктан айыу ҙа ҡасҡан булған. Ярай әле уның алыҫ китергә башы етмәгән. Януарҙы йоҡлатҡандар ҙа вольерына япҡандар. Ә бына дөйәне кире ҡайтарыу еңел булмаған. ЮХХДИ хеҙмәткәрҙәре юлды япҡандан һуң ғына “сүллек карабын” тота алған.
Зоопарк хужаһы был ваҡиға өсөн административ яуаплылыҡҡа тарттырыласаҡ, унан тыш, ҡала хакимиәте улар менән артабан килешеү төҙөүҙән баш тартҡан.