Ғ.Ғ. Ҡыуатов исемендәге Республика клиник дауаханаһында һаулыҡ һаҡлау өлкәһендәге танылған шәхестәр иҫтәлеге­нә художество галереяһы асылды. Тантанала Башҡортостандың һаулыҡ һаҡлау министры урынбаҫары Эльза Сыртлано­ва, дауахана етәкселеге, табиптар һәм учреждение ветерандары ҡатнашты.

Дауахананың баш табибы Ринат Нагаев ошо ҙур проектты тормошҡа ашы­рыу­ҙа ҡатнашҡандарҙың барыһына ла рәхмәт белдерҙе. Һаулыҡ һаҡлау ми­нистр­лығы­ның баш нейрохирургы, Ғ.Ғ. Ҡы­уатов исе­мендәге Республика клиник дауаханаһы­ның нейрохирургия бүлеге мөдире Шамил Сафин иһә галереялағы эштәр менән таныштырҙы, Рәсәйҙең һәм Башҡортостан­дың атҡаҙанған табиптары, профессорҙар, медицина фәндәре кандидаттары, өлкәлә­ге күренекле шәхестәр хаҡында һөйләне.
Әлеге художество галереяһында ун ал­ты, шул иҫәптән Нинель Борисованың, Ро­берт Кәүсәровтың, Ринад Рәхмәтул­лин­дың, Олег Древалдең портреттары бар. Эштәрҙең авторы – рәссам, Рәсәйҙең Рәссамдар союзы ағзаһы Финат Нәби­ул­лин. Портреттарҙы ул 2012 йылда төшөрә башлаған. Автор үҙенең сығы­шында меди­цина хеҙмәт­кәрҙәренә тырыш хеҙмәт, яр­ҙам­сыллыҡ һәм алтын ҡулдары өсөн рәхмәт әйтте.