“Юлдарҙың сифатын баһалайбыҙ” проектына ярашлы Дөйөм Рәсәй халыҡ фронтының Башҡортостандағы төбәк бүлексәһе республикалағы юлдар торошон тикшерергә тотондо.

Һауа температураһы тотороҡһоҙ булған быйылғы ҡыш төбәктәге асфальт юлдарға насар йоғонто яһаны. Яҙ етеү менән хәл тағы ла ҡатмарлашты, автомобиль хужалары, йәйәүлеләр өсөн байтаҡ ҡыйынлыҡтар тыуҙы. Ниндәйҙер етешһеҙлек күрәһегеҙ икән, был турала [email protected] электрон почтаһына хәбәр ебәрергә мөмкин.
Мониторинг йомғаҡтары буйынса насар юлдарҙың картаһы төҙөләсәк. Улар төҙөкләндереү эштәрен планлаштырғанда иҫәпкә алыу өсөн муниципаль берәмектәргә ебәреләсәк.