Башҡортостандың Силәбе өлкәһендәге даими вәкиллегендә үткән “түңәрәк өҫтәл”дә башҡорт ҡатын-ҡыҙҙары иттифағын ойоштороу мәсьәләһе тикшерелде. Быға тиклем милли хәрәкәттә әүҙем эшләгән гүзәл заттар яңы ойошманың йүнәлешен билдәләне, ә рәйес итеп Фатима Ҡобжасарова һайланды.

Ҡатын-ҡыҙҙар шулай уҡ Силәбенең үҙәгендә, өлкә Хөкүмәте бинаһы янында, 1812 йылғы Ватан һуғышы батырҙары хөр­мә­тенә һәйкәл ҡуйыу эшендә лә әүҙем ҡатнашасағын белдерҙе. Башҡорт старши­наһы Аҫыл­ғужа Бакировтың нәҫеле Рафаил Рәшит улы иһә:
– Көньяҡ Урал баш ҡалаһының үҙәк урамдары баш­ҡорт атлылары рухын тоғро һаҡлай. Уларҙың исемдәрен мәңгеләштереү беҙҙең бурысыбыҙ, – тип белдерҙе.
Киләсәктә Силәбе башҡорт ҡатын-ҡыҙҙары ойош­маһы өлкә буйлап филиалдар асыуҙы, төрлө милли тематикаға оҫталыҡ дәрестәре ойоштороуҙы, башҡорт мәҙәниәтен өйрәнеү дәрестәре кеүек сараларҙы планлаштырҙы.