17– 18 мартта Мәжит Ғафури исемендәге Башҡорт дәүләт академия драма театрында Айгиз Баймөхәмәтовтың “Ҡалдырма, әсәй!” повесы буйынса сәхнәләштерелгән спектаклдең премьераһы буласаҡ.

– Һәр кешенең хыялы була, – ти спектаклдең режиссеры Илсур Ҡаҙаҡбаев. Ә балалар йортонда тәрбиәләнеүселәрҙең маҡсаты тағы ла ҙурыраҡ, етди. Әммә уйлағаның һәр ваҡыт бойомға ашмауы ихтимал, етемдәрҙең теләге иһә бик һирәк осраҡта ғына ысынбарлыҡҡа әүерелә. Бына ошолар хаҡында спектакль.
Пьесала барлығы ете актер ҡатнаша, ҡатын-ҡыҙ ролдәрендә лә – егеттәр. Төп геройҙы Артур Кәбиров уйнай.