Ошо көндәрҙә Рөстәм Хәмитов Ирек Мөхәмәтдиновты Башҡортостан Хөкүмәте Премьер-министры урынбаҫары итеп тәғәйенләү тураһындағы Указға ҡул ҡуйҙы.

Ирек Радил улы Мөхә­мәтдинов 1960 йылда Ҡыйғы районының Үрге Ҡыйғы ауылында тыуған. Юғары белемле – Н.Э. Бауман исемендәге Мәскәү юғары техник училищеһын, Мәскәү ҡулланыусылар кооперацияһы университетын тамамлаған.
Хеҙмәт эшмәкәрлеген 1983 йылда Ҡазан ҡалаһын­дағы Дәүләт ғәмәли оптика институтында инженер булып башлай. Төрлө йылдарҙа Ҡазандағы “Полимер” йәмғиәтендә, “Башпромбанк” филиалында, Стәрлетамаҡ ҡалаһындағы “Башкредитбанк” филиалында эшләй. “УралСиб” асыҡ акционерҙар йәмғиәтендә вице-президент, Мәскәүҙәге “Росгосстрах-Столица” йәмғиәтендә, “Метрополь” компанияһында генераль директор урынбаҫары, “Русь-Банк” йәмғиәте идараһы рәйесенең өлкән советнигы, “Россельхозбанк”тың Башҡортостан төбәк филиалы директоры була.

* * *
Республика Башлығының икенсе Указы менән Илдар Тимерғәлин, икенсе эшкә күсеү сәбәпле, республика Хөкүмәте Премьер-министры урынбаҫары вазифаһынан бушатылды.