“Йылдың иң яҡшы табибы” конкурсы йомғаҡтары буйынса Башҡортостандағы иң оҫта һаулыҡ һаҡлау хеҙмәткәрҙәре билдәләнде.

Республикала был сара өс этапта уҙғарылды. Иң элек дауалау учреждениелары табиптары көс һынашты. Артабан еңеүселәр район һәм ҡала кимәлендә үҙ ойошмаларының абруйын яҡланы. Алдынғыларҙы республика Һаулыҡ һаҡлау министрлығының конкурс комиссияһы баһаланы. Бәйгелә 33 номинацияла 120 кеше ҡатнашты. Медицина мәсьәләләрен яҡтыртҡан журналистар айырым билдәләнде.
Лауреаттарҙың исемлеге Һаулыҡ һаҡлау министрлығының рәсми сайтында баҫылып сыҡты. Еңеүселәр Бөтә Рәсәй конкурсында ҡатнашасаҡ.
Л. ДӘҮЛӘТБӘКОВА.