Бөйөк Британия королеваһы Елизавета Икенсенең паспорты юҡ. Баҡтиһәң, илдәге граждандар өсөн был документ Королева исеменән сығарыла, шуға ла ил хужаһына ул мотлаҡ түгел.

Елизавета II, Бөйөк Британиянан тыш, Австралия, Канада, Яңы Зеландия, Ямайка, Папуа-Яңы Гвинея, Соломон, Багам утрау­ҙарының, дөйөм алғанда, 15 бойондороҡһоҙ дәүләттең королеваһы булып тора.
Елизавета II – англикан сиркәүенең һәм ил армияһының баш командующийы ла. Королеваның рәсми тыуған көнө юҡ. Ул Бөйөк Британияла июндең беренсе, икенсе йәки өсөнсө йәкшәмбеһендә байрам ителә. Ә Австралияның күпселек штаттарында июнь айының икенсе дүшәмбеһендә, көн­байышында иһә октябрҙә билдәләйҙәр, Канадала – майҙа. Ә Елизавета Икенсенең ысын тыуған көнө – 21 апрель. Уны шау-гөр килеп түгел, ә үҙ-ара ғына байрам итәләр.
Королева Лондонда булғанында Букингем һарайында йәшәй. Ул 775 бүлмәнән, шул иҫәптән 52 ял һәм йоҡо бүлмәһенән, 92 офистан, 78 йыуыныу һәм 188 хеҙмәтлән­дереү бүлмәһенән тора. Бында королеванан тыш принцтар, принцессалар ҙа көн итә.