20 – 30 июндә Екатеринбургта театрҙарҙың “Коляда-Plays” Х Халыҡ-ара заманса драматургия фестивале уҙғарыла.

Мәжит Ғафури исемендәге Башҡорт академия драма театры сарала “Йәнем, иртәгә яңы көн тыуыр” спектакле менән ҡатнаша. Уны Ярослава Пулинович пьесаһы буйынса режиссер Айрат Абушахманов ҡуйған. “The Театр” проекты иһә Урал драматургы Валерий Шергиндың пьесаһы буйынса “Ҡасырға” спектаклен тәҡдим итәсәк.
“Коляда-Plays” халыҡ-ара фестивале йыл һайын июнь айында Екатеринбургтың театр майҙансыҡтарында уҙғарыла. Сарала заман драматургтарының пьесалары буйынса ҡуйылған спектаклдәр ҡатнаша.