Мәсетле район Советы үҙенең ҡарары менән Әнис Әсәҙуллинды контракт буйынса район хакимиәте башлығы итеп тәғәйенләне.

Әнис Ҡасим улы Әсәҙуллин 1965 йылда Мәсетле районының Абдулла ауылында тыуған. Юғары белемле – Башҡорт дәүләт аграр университетын, Башҡортостан дәү­ләт хеҙмәте һәм идара итеү академияһын тамамлаған.
Хеҙмәт эшмәкәрлеген 1986 йылда Мәсетле районындағы “Әй” совхозында водитель булып баш­лай. Төрлө йылдарҙа ошо уҡ районда Абдулла ауыл Советы хакимиәте башлығы, уҡытыусы, карьер начальнигы булып эшләй. 2006 йылда район хакимиәте башлығы урынбаҫары итеп тәғәйенләнә. Артабан “Ҡарағай” шифаханаһында бүлек етәксеһе, директор урынбаҫары була.