Европаға Иран нефте тейәлгән тәүге танкер оҙатылды.

Иран хөкүмәте билдәләүенсә, киләһе бер нисә айҙа көнөнә 500 мең баррель “ҡара алтын” оҙатылһа, йыл дауамында сеймал күләмен 1 миллион баррелгә еткерергә уйлайҙар. Хәтерегеҙгә төшөрәбеҙ: 16 ғинуарҙа АҠШ менән Европа союзы Иранға ҡарата ҡабул ителгән ҡайһы бер санкцияларҙы ғәмәлдән сығарҙы. Ирандың нефть сәнәғәте министры Бижан Намдар Зангане шул саҡта уҡ: “Ил бер йыл эсендә тәүлегенә 3,4 миллион баррель нефть етештереү ҡеүәтенә сығасаҡ”, — тип билдәләгәйне.