Рәсәй менән Япония дипломаттары солох килешеүен төҙөү буйынса фекер алыша. Осрашыуҙа билдәләнеүенсә, ике яҡ та мөнәсәбәттәрҙең тотороҡло үҫеренә ныҡлы ышана.

Япония Хөкүмәтенең Рәсәй менән бәйләнеш буйынса вәкиле Тикахито Харада, үҙе әйтеүенсә, беҙҙең ил вәкилдәре менән дә фекер алышырға теләй. Ә быға тиклем Японияның Премьер-министры Синдзо Абэ, Рәсәй менән юғары кимәлдәге фекер алышыуҙар территориаль проблемаларҙы хәл итер өсөн кәрәк, тип билдәләгәйне. Улар шулай уҡ Владимир Путиндың да, мөмкинлек табып, Японияға килеп ҡайтыуын теләйҙәр. Япония Премьер-министры, һуғыштан һуң 70 йыл үтһә лә, әлегәсә ике ил араһында солох килешеүенең төҙөлмәүен “нормаль булмаған күренеш”, тип баһалай.