Бөгөн Өфөләге “Театро” клубында “Хәйерле Stand-Up кис!” юмористик проекты уҙғарыла. Әүҙем башҡорт йәштәре, дуҫтары менән осрашып, көнүҙәк темаларға мәҙәктәр тыңлай.

КВН-дың башҡорт асыҡ лигаһы идараһы рәйесе Урал Кәримов әйтеүенсә, уҙған миҙгелдә ҡатнашҡандарҙың күбеһе тағы ла сәхнәгә сығасаҡ. Шулай уҡ теләге булған һәр кемгә үҙенең “stand-up”ы хаҡында һөйләү мөмкинлеге бирелә. Ентеклерәк мәғлүмәтте “Бәйләнештә” (Vk.com) сайтындағы төркөмдә табырға була.