“Өфө” халыҡ-ара аэропорты “Рәсәйҙең һауа ҡапҡаһы” милли премияһы менән бүләкләү тантанаһында “Иң яҡшы аэропорт-2015” номинацияһында еңеүсе тип танылды.Баш ҡалабыҙ авиаузелы шулай уҡ пассажирҙарҙың да юғары баһаһын алды, онлайн тауыш биреү йомғаҡтары буйынса алдынғы тип табылды.
Әйткәндәй, аэропорт былтыр йәй Өфөлә ШОС һәм БРИКС саммиттарын үткәреүгә әҙерлек барышында яңыртылғайны. Капиталь төҙөкләндерелгән осоу-ултырыу һыҙаты хәҙер “Боинг-747”, “Руслан” һәм “Аэробус-330” кеүек үтә ауыр самолеттарҙы ҡабул итеү мөмкинлегенә эйә. Республика ҡаҙнаһы иҫәбенә донъя стандарттарына яуап биргән өр-яңы халыҡ-ара терминал төҙөлдө. Ул ғәмәлгә индерелеү менән сит ил йүнәлештәренә сәғәтенә 800-гә тиклем пассажир хеҙмәтләндерелә.