“Финпотребсоюз”дың Башҡортостан төбәк бүлексәһе уҡыусыларҙы финанс ғилеме буйынса яңы дәреслек менән тәьмин итә. Китаптар республика Хеҙмәт һәм халыҡты социаль яҡлау министрлығының грант аҡсаһына һатып алынған.

Һәр курс өсөн уҡыу-методика комплекты төҙөлдө. Унда балалар өсөн материалдар, уҡыу программаһы, уҡытыусы өсөн методик тәҡдимдәр, белемде тикшереү күнегеүҙәре индерелгән.
– Дәреслектәр ябай, аңлайышлы телдә яҙылған. Уларҙа ғаилә ҡаҙнаһын дөрөҫ планлаштырыу, тотоноу алымы буйынса мәғлүмәт табырға мөмкин, – ти төбәк бүлексәһе рәйесе Елена Ситдиҡова. – Кешене аҡсаһын һәм мөлкәтен юғалтыу хәүефенән һаҡлау, дәүләт менән ғаилә араһындағы үҙ-ара бәйләнеш, финанс хәлде яҡшыртыу, үҙ эшеңде асыу кеүек мәсьәләләргә ҙур урын бирелә.
Әйткәндәй, бөгөн “Финанс ғилеме”н төбәктәге 15 мәк­тәптә өйрәнәләр.