Ошо көндәрҙә Иглин районы үҙәгендә тағы ла 16 етем балаға яңы фатир асҡыстары тапшырылды.

– Мохтаждарға бындай ярҙам саралары йылдан-йыл арта. Быйыл тағы ла 16 кеше өй туйлаясаҡ, – тине район хакимиәте башлығы Ғафуан Шәйхетдинов. – Республикабыҙ ҙа, районыбыҙ ҙа мохтаждарҙы торлаҡ менән тәьмин итеүгә күп көс һала.
Урындағы эшҡыуарҙар менән Хәрби хәрәкәт ветерандары союзы саранан ситтә ҡалманы. Яңы фатир хужалары өсөн улар йорт йыһазы һатып алды. Төҙөлөш фирмаһы вәкилдәре лә бүләк яһаны – яңы фатирҙарҙың майҙанын 36 квадрат метрға тиклем арттырҙы.