1 февралдә республика Башлығы Рөстәм Хәмитов 2016 йылға бюджет сығымдарын финанслау буйынса саралар тураһындағы Указға ҡул ҡуйҙы.

Документ Өфөлә 130 урынлыҡ Республика перинаталь үҙәге төҙөлөшөн тамамлау маҡсатын ҡуя. Указға ярашлы, Башҡортостандың Һаулыҡ һаҡлау министрлығына ошо үҙәкте сафҡа индереү буйынса сараларҙы ғәмәлгә ашырыу маҡсатында коммерцияға ҡарамаған ойошмаларға субсидия биреү өсөн 398167,65 мең һумлыҡ бюджет аҡсаһын бүлеү бурысы йөкмәтелә.