Федераль суд приставтары хеҙмәтенең Башҡортостан идаралығында республика биләмәһендә законһыҙ йәшәгән һәм миграция ҡануниәтен боҙған сит ил кешеләрен кире ҡайтарыу буйынса эш дауам итә. Һуңғы аҙнала ғына Нигериянан килгән өс һәм Үзбәкстандан ике кеше тыуған еренә оҙатылды.

Идаралыҡтың матбуғат хеҙмәтендә әйтеү­ҙәренсә, уҙған йыл, суд ҡарарҙарына ярашлы, ведомство хеҙмәткәрҙәре 588 мигрантты ҡай­тарып ебәргән. Улар араһында Үзбәкстан (367 кеше), Тажикстан (113), Азербайжан (26) граждандары байтаҡ.
Әйткәндәй, сит ил кешеләрен һәм граж­данлығы булмағандарҙы асыҡлау, үҙ дәүләтенә оҙатыу буйынса вәкәләттәр дүрт йыл элек эске эштәр органдарынан суд приставтары хеҙмәтенә күсерелде.