Былтыр Башҡортостанға 128 ил вәкиле килгән. Был иҫәпкә ШОС һәм БРИКС саммиттарында ҡатнашыусылар ҙа инһә лә, һан ҡыуандыра. Мигрант булараҡ,
146 мең сит ил вәкиле теркәлгән.

Башҡортостанға ҡунаҡ булараҡ иһә 38 мең Үзбәкстан гражданы, Тажикстандан – туғыҙ мең, Төркиә, Вьетнам, Ҡытай, Чехия, Төньяҡ Корея, Һиндостан, Италия һәм АҠШ вәкилдәренән йөҙләгән кеше килгән.
Хатта Африка илдәренән Эритрея, Руанда, Науру, Гана, Джибути, Европанан Андорра кешеләренә лә Башҡортостанды күреү бәхете тейгән. Ҡунаҡтарҙың күбеһе йәнә бер тапҡыр республикаға оҙағыраҡҡа килеп, уның тарихы, тәбиғәте һәм халҡы менән яҡынданыраҡ танышыу теләген белдергән.