Башҡортостан Хөкүмәте 2015 – 2018 йылдарға иҫәпләнгән граждандарҙы авария хәлендәге торлаҡ фондынан күсереүҙең адреслы республика программаһына үҙгәреш индерҙе.

Рәсәйҙең Торлаҡ кодексына ярашлы эшләнгән был программа авария хәлендәге күп фатирлы йорттарҙан халыҡты күсереүгә һәм уңайлы тор­лаҡ менән тәьмин итеүгә йүнәлтелә. Уға Торлаҡ-коммуналь хужалыҡты реформалауға булышлыҡ итеү фонды ҡатнашҡан программала ҡаралмаған авария хәлендәге йорттар индерелгән. Программаның өсөнсө этабында өҫтәмә рәүештә Өфө ҡалаһындағы, Әлшәй, Бәләбәй, Илеш, Шишмә һәм Яңауыл район­дарындағы иҫке йорттарҙан халыҡты күсереү күҙаллана.