Каникул осоронда Туймазылағы китапханаларҙа Балалар киноһы көнө ойошторолдо.
2-се мәктәп-интернатта тәрбиәләнеүселәр үҙәк балалар һәм үҫмерҙәр китапханаһында уҙғарылған “Тылсымлы кино донъяһы” викторинаһында ҡатнашты. 3-сө китапханала иһә “Тылсымлы экран” программаһы тәҡдим ителде. Балалар унда кино индустрияһы һәм мультипликация тарихы менән танышты.
Собханҡол ауылы китапханаһындағы “Бала саҡ иле китаптары” киноглобусында мәктәп уҡыусылары Рәсәй яҙыусыларының әҫәрҙәре буйынса төшөрөлгән фильмдарҙан өҙөктәр ҡараны. Ҡалалағы 5-се китапханала — “Ералаш” журналын, ә Ҡандра ауыл балалар китапханаһында “Ҡарасҡы” фильмын күрһәттеләр.