“Берҙәм Рәсәй” партияһының “Реаль эштәр” проектына ярашлы, Мәләүез ҡалаһында яңы хоккей майҙансығы асылды. Был – муниципалитеттағы күп функциялы дүртенсе спорт майҙансығы.
Объект ҡаланың 4-се мәктәбе биләмәһендә урын алды. Мәғариф учреждениеһы етәкселәре, депутаттар уны асыу тантанаһында хоккей командаһына сәкәндәр һәм шайбалар бүләк итте. Уҡыусылар иһә ҡунаҡтарға конькиҙа шыуыу оҫталығын күрһәтте.
Кескәйҙәр ҙә иғтибарҙан ситтә ҡалманы: улар өсөн һырғалаҡ төҙөлгәйне. Ә башланғыс класс уҡыусыларының ҡул эштәре менән биҙәлгән ҡупшы шыршы спорт майҙансығының түренә ҡунаҡланы.