“Ғаиләле булыу – донъялағы иң ҙур бәхеттәрҙең береһе. Ҡурсаҡтар – милли кейемдәрҙә” тигән ҡылыҡһырлама биргән тегенселәр Әлфиә менән Гөлфиә Хамматовалар үҙенсәлекле коллекцияһына. Ысынлап та, сабыйҙарҙы мәҙәнилеккә, әҙәпкә өйрәтә, эстетик зауыҡ тәрбиәләй, тарихи ғилем бирә түгелме һуң ошондай ҡурсаҡтар?! Игеҙәктәр Әлфиә менән Гөлфиә милли биҙәкле кейемдәр, сәхнә йондоҙҙарына махсус костюмдар, аксессуарҙар тегеү менән бер рәттән, бар яҡлап үҫешә, оҫталығын һынай, камиллаша.