Иглин районында саңғы миҙгеле асылды. Ярыштарҙа мәктәп уҡыусылары, төрлө ойошмалар хеҙмәткәрҙәре ҡатнашты.

Тәүге ҡышҡы уҙышта Иҫке Ҡыбау ауылынан Ефим Хисаметдинов, Иглиндан Яна Ким менән Флүсә Суханова, Сыуаш-Ҡыбауҙан Александр Игнатов еңеп сыҡты. Район хакимиәте башлығы Ғафуан Шәйхетдинов уларға кубоктар һәм ҡиммәтле бүләктәр тапшырҙы. Хакимиәт башлығы иң йәш спортсы — 6 йәшлек Матвей Шуклинды һәм иң тәжрибәле ярышсы Валентина Безрукованы ла телгә алды.