Стәрлетамаҡ башҡорт халыҡ драма театры Кинйәбулат ауылы мәҙәниәт йортонда талантлы драматург Мирхәйҙәр Фәйзиҙең “Ғәлиәбаныу” спектаклен сәхнәләштерҙе.

Тамаша спектаклдең 100 йыллыҡ юбилейына арнап ҡу­йылды, тип әйтергә лә була, сөнки Мирхәйҙәр Фәйзи был драманы 1916 йылда 25 йәшендә генә ижад иткән. “Ғәлиәбаныу” тиҙ арала башҡорт һәм татар драма театр­ҙары репертуарында популярлыҡ яулап, уларҙың алтын фондына әүерелгән.
Спектаклдә Бәҙри ролен – Рәмил Ишемғолов, Ғәлимә­баныуҙы – Башҡортостандың халыҡ артисы Миңниса Ба­ки­рова, Ғәлиәбаныуҙы – Резеда Әмәкәсова, Саҙретдин­де – Әлфинә Сөләймәнова, Хәлилде – Рафиҡ Хәсәнов, Ғимаҙи ролен Гилүс Минһажев, Исмәғилде – Башҡортос­тандың атҡаҙанған артисы Фәим Әхмәтйәнов, Бәҙиға ҡарсыҡты Рима Ғәлиуллина бик оҫта башҡарҙы. Ауыл халҡы рухи яҡтан байып, артистарға рәхмәттәрен еткереп таралышты.