Һаумы, шатлыҡ-һөйөнөс!

“Кешеләр! Шатлыҡтарығыҙ, матур хәбәрҙәрегеҙ, яңылыҡтарығыҙ менән уртаҡлашырға ашығығыҙ! Яҡшы, шатлыҡлы хәбәр өләшеп, һөйөнсө алыуҙан да ҙурыраҡ яҡшылыҡ бармы икән?..” тигән алтынға бәрәбәр һүҙҙәрҙең авторы – билдәле драматург, яҙыусы, шағир Ибраһим Абдуллин. Яңы йылды тап ошо хәҡиҡәткә ярашлы башлап ебәреү республикаға ғына түгел, тотош Ер йөҙөндә йәшәгән барса халыҡҡа ҡыуаныс, шат йылмайыу, күркәм күңел торошо бүләк итер кеүек. Тоғро дуҫтарыбыҙҙан килгән хаттар ҙа бит беҙҙе йылылыҡ, татыулыҡ моңона сорнай, киләсәккә өмөт сатҡылары уята. Сираттағы тупланма менән танышып сыҡҡас, һин дә, ҡәҙерле уҡыусым, быға инанырһың, күңелеңә – ял, йөрәгеңә дәрт алып ҡыуанырһың.

Хаттар бүлеге.