Өйҙә әҙерләнгән сыр
Ризыҡты әҙерләү өсөн бер литр һөт, бер аш ҡалағы тоҙ, 200-300 грамм ҡаймаҡ, өс йомортҡа кәрәк буласаҡ.
Һөткә тоҙ һалабыҙ ҙа ҡайна­тыр­ға ҡуябыҙ. Ул арала йоморт­ҡаларҙы һытып, ҡаймаҡҡа ҡу­шып болғарға кәрәк. Килеп сыҡ­ҡан шыйыҡсаны һөткә һа­лабыҙ ҙа биш минут тирәһе ҡай­на­та­быҙ. Эремсек һыуынан айы­рылған масса һөҙөп алына бара.
Ҡалған шыйыҡсаға укроп һа­лырға мөмкин. Массаны плен­каға, унан туҡымаға төрәбеҙ һәм ике турағыс таҡта араһына һалып, өҫтөнә ауыр әйбер ҡуябыҙ (ҡатып, формаға инһен өсөн). Өс-дүрт сәғәттән һуң ашарға мөмкин.

Картуф менән тауыҡ итенән
Картуфты эре телем­дәр­гә турайбыҙ, майланған та­баға һалабыҙ. Өҫтөнә ту­ралған тауыҡ киҫәктәре те­ҙелә. Артабан – бал­даҡ­лап ҡырҡыл­ған һуған, унан ҡал­ған картуф һалына. Майонез, ҡаймаҡ, йә кетчуп яғырға, әҙерәк һыу ҡойорға мөмкин. Тәмләт­кестәр өҫтәлә.
Унан фольга ябабыҙ ҙа ме­йестә 40 минут бешерәбеҙ. Аҙаҡ ҡур­ғашты алып, өҫтөнә сыр һөр­төргә һәм өҫтө ҡытырлағансы (10 минут тирәһе) тоторға мөмкин.