Журналист, яҙыусы, Ш. Бабич исемендәге дәүләт йәштәр премияһы лауреаты, Башҡортостандың атҡаҙанған матбуғат һәм киң мәғлүмәт хеҙмәткәре Фәрзәнә Аҡбулатованың М. Кәрим исемендәге Милли йәштәр театрындағы юбилей кисәһе “Һомайғош юлы” тигән лирик-философик ҡисса менән башланып китте.
Яҡташы, шағирә Йома­бикә Иль­ясова тәү башлап ҡотлау һүҙҙәрен еткерҙе. Актерҙар Р. Сәлимгәрәева, Г. Ғайсина әҙибәнең “Миңә Париждан алып ҡайт”, “Һо­май ҡош”, “Кәримә”, “Үҙ йә­не­мә ышаныу”, “Тыумаған улым”, “Аттар саба”, “Туратым”, “Яҙылып бөтмәгән китап”, “Әл­моронда бал тәме”, “Ергә төштө томан” тигән повесть һәм хикә­йәләренән өҙөк уҡыны. “Атай ик­мәге” хикәйәһенән һуң тама­ша­сыларҙың тамағына төйөр тығылды, күҙе йәшләнмәгән кеше ҡалманы ла шикелле. Сарала Рәми Ғарипов исе­мендәге 1-се башҡорт республика гимназия-интернаты уҡыусылары, Хәйбулла ҡы­ҙы, бәләкәс кенә Илүзә Илем­бәтова “Тамсыҡай” әкиәтен һөйләп, бөтәһен дә хайран ҡалдырҙы. Фәрзәнә Аҡбу­латованың шиғырҙа­ры­на яҙыл­ған “Вальс”, “Бә­хет­лемен”, “Хәй­булла ҡоба­йы­ры” йырҙары ла беҙгә бик оҡ­шаны. Р. Әмине­ва­ның, И. Илбәковтың сығыштары айырыуса сағыу булды.
Фәрзәнә Аҡбулатованы тан­танаһы менән ҡотлап, яҡ­таш­та­ры, ҡәләмдәштәре йы­лы һүҙ­ҙәрен еткерҙе, гөл­лә­мә, бүләктәр тапшыр­ҙы. Тама­шасылар рухиәт байра­мы­нан бик ҡәнәғәт таралышты.