Башҡорт дәүләт ҡурсаҡ театры “Оле Лукойела ҡунаҡта” Бөтә Рәсәй фестивалендә төп бүләккә лайыҡ булды.

Коллектив унда Ганс Христиан Андерсендың билдәле әкиәте мотивтары буйынса “Ҡыр ҡаҙҙары” спектаклен тәҡдим иткәйне. Тамашаның режиссеры – Ольга Штырляева, рәссамы – Андрей Березовский. Республиканың Мәҙәниәт министрлығынан хәбәр итеүҙәренсә, жюри ағзалары актерҙар эшен юғары баһалаған. “Өфөләрҙең һөнәри оҫталығы, сәнғәтте ни ҡәҙәр нескә тойоуы хайран ҡалдырҙы”, – тип билдәләгән театр белгесе Наталья Райтаровская.
Йыйын Г.Х. Андерсендың тыуыуына 210 йыл тулыуға ба­ғышланған. Барлыҡ спектаклдәр дат әкиәтсеһенең әҫәрҙәре буйынса ҡуйылған.