Ошо һорауҙы биргәс, ҡайһы берәүҙәр көслө спортсыны, танылған артисты, бәғзеләр ҙур түрәне күҙ алдына килтерәлер. Мөхәммәт ғәләйһис-сәләм иһә: “Арағыҙҙа иң яҡшыһы – ҡатыны менән яҡшы мөғәмәлә иткәне”, – тигән.

Пәйғәмбәребеҙ быны үҙ өлгө­һөн­дә күрһәткән. Динебеҙҙең тәр­биәһе тап шунда: ир-атҡа хөрмәт уның ғаиләһенә мөнәсәбәте менән тығыҙ бәйле. Эштә өлгөлө, ке­ше­ләргә итә­ғәтле булып, ситтәргә хөрмәт күрһә­теп йөрөп тә, үҙенең хәләл ефете, балалары бүтән­дәрҙән ярҙам һо­рарға мәжбүр икән, бындай көслө зат вәкиле яҡшымы? Юҡ. Фәҡәт үҙен уйлаған ике йөҙлө кеше ул. Маҡ­таһындар, ярат­һын­дар өсөн баш­ҡалар алдында ярам­һаҡлана, өлгө­лө булырға тырыша.
Бындай юлда йөрөмәйек, хөрмәт­ле уҙамандар. Барыбыҙ ҙа үҙенә “Ғаилә хаҡын дөрөҫ үтәйем­ме? Яҡшы ирменме?” тигән һорау биреп, бурыстарын лайыҡлы башҡарырға ынтылһын ине.