25 ноябрҙә Өфөләге “ВДНХ-Экспо” майҙансығында тәүге тапҡыр “Хеҙмәт кешеһе” фестивале ойошторола.

Был ҙур сара эшсе кадрҙарға ҡытлыҡ мәсьәләһен хәл итеүгә, ошондай һөнәрҙәрҙең абруйын арттырыуға йүнәлтелә. Фестиваль барышында флешмобтар, интерактив майҙансыҡтар, инно­вациялы йүнәлештәр менән таныштырыу саралары, вик­то­ри­налар, һөнәри тест, төрлө күргәҙмә үткәреү күҙаллана. Кескәйҙәр өсөн “эшселәр ҡаласығы” асыласаҡ. Өлкән класс уҡыу­сыларына иһә үҙен токарь, иретеп йәбештереүсе, көршәк яһаусы, водитель йәки ювелир сифатында һынап ҡарау мөм­кинлеге бирелә. Форум программаһында шулай уҡ йәштәрҙе эшсе һөнәрҙәренә йәлеп итеүгә йүнәлтелгән оҫталыҡ дәрес­тә­ре, “түңәрәк өҫтәл”дәр ойоштороу ҡарала. Бынан тыш, ҙур кон­церт, иң яҡшы хеҙмәткәрҙәрҙе ҡотлау тантанаһы ла буласаҡ.
Сарала меңдән ашыу уҡыусы һәм студенттың, дәүләт һәм му­ниципаль власть органдары, ҙур сәнәғәт компаниялары, проф­союз ойошмалары вәкилдәренең, эксперттарҙың ҡатнашыуы көтөлә.