Башҡортостандың таможня хеҙмәте – Волга буйы федераль округында уңышлы эшләгән һәм ышаныслы ведомстволар иҫәбендә. Штатында 400-ҙән ашыу хеҙмәткәр иҫәпләнгән коллектив үҙ бурысын намыҫ менән атҡара. Заманса эш алымдары әүҙем ҡулланыла, былтырҙан барлыҡ тауарҙар электрон сервиста теркәлә, постар автотеркәүгә күсерелгән. Федераль таможня хеҙмәте коллегияһының күсмә ултырышында республика Башлығы Рөстәм Хәмитов шул хаҡта бәйән итте.

Төбәк етәксеһе билдәләүенсә, быйыл туғыҙ айҙа республи­каның таможня хеҙмәткәрҙәре федераль ҡаҙнаға 5 миллиард һумдан ашыу аҡса индергән.
Бөгөн илебеҙҙең социаль-иҡ­тисади именлеген нығытыу, сауҙа мөнәсәбәттәрен үҫтереү, инвестиция йәлеп итеү һәләтен арттырыу йәһәтенән таможня хеҙмәте һө­ҙөм­тәле эшләй. Уңыш­ҡа өлгәшеү өсөн алдынғы технологияларҙы индерәләр, операциялар ваҡытын ҡыҫҡар­талар, дәүләт хеҙмәте күр­һә­теүҙең сифатын яҡшырталар, административ кәртәләрҙе кәме­тәләр. Былтыр федераль хеҙмәт ил ҡаҙнаһына 7 триллион һум аҡса күсергән.
Сарала ҡатнашыусылар импортты алмаштырыу шарттарын­да таможня органдарында хәл итәһе мәсьәләләр, техник саралар һәм ҡорамалдар хаҡында һөй­ләш­те.