Республика прокуратураһы ҡала төҙөлөшө ҡануниәтен боҙған компанияларҙы административ яуаплылыҡҡа тарттырҙы.

Асыҡланыуынса, 13 төҙөлөш ойошмаһының биналар һалыуға рөхсәте булмаған. Улар баш ҡалабыҙҙа һәм Өфө райо­нында торлаҡ йорттар, кафе, магазин, хеҙмәтләндереү комплекстары төҙөгән. Прокуратура талабына ярашлы, “Интеграл” менән “Колорит” компанияларына 500 мең һәм 250 мең һум штраф һалынған. Башҡа ошондай ойошмаларҙың эшмәкәрлеге ваҡытлыса туҡтатылған.