Башҡортостан пенсионерҙары илдә Интернеттан иң әүҙем файҙаланғандар тиҫтәһенә инде.

Өлкән йәштәгеләрҙе компьютер ҡулланырға өйрәтеү буйынса төбәктәрҙең әүҙемлек рейтингы Рәсәй Пенсия фонды менән “Ростелеком” йәмғиәте ойошторған “Интернетҡа рәхмәт” тәүге интерактив Бөтә Рәсәй конкурсы һөҙөмтәләре буйынса төҙөлдө.
Сарала 78 төбәктән ике меңдән ашыу оло быуын вәкиле ҡатнашты. Уларҙың иң өлкәненә — 92 йәш. Эштәрҙең 40 проценты ауыл ерендә йәшәгәндәрҙән килгән. Тимәк, был биләмәләрҙә лә Интернеттан әүҙем файҙаланалар. Ҡатнашыусыларҙың 85,3 проценты компьютер курстарын тамамлаған, 15,7 проценты уны үҙаллы үҙләштергән.