Башҡортостанда “Һәр ғаиләлә ватансылыҡ. Минең шәжәрәм” Интернет-конкурсы иғлан ителде. Уны республика Башлығы ярҙамы менән “Мин – Патриот” төбәк йәмәғәт ойошмаһы үткәрә.

Бәйгелә мәғариф учреждениелары уҡыу­сылары, студенттар, уҡытыусылар, ғалим­дар, шулай уҡ теләге булған һәр кеше ҡат­нашып, үҙ ғаиләһенең тарихы менән ур­таҡлаша ала. Ғаризалар быйыл 10 де­кабргә тиклем [email protected] электрон почтаһына ҡабул ителә. Уларға “Конкурсҡа” тигән билдә ҡуйыу шарт. Еңеүселәрҙең иң яҡшы эштәре айырым брошюра рәүешендә нәшер ителеп, “Мин – Патриот” ойошмаһының рәсми сайтында урынлаштырыласаҡ. Иң әүҙемдәрҙе махсус бүләктәр көтә.