Башҡортостанда өс медицина ойошмаһы пациенттың үлеме өсөн түләйәсәк. Республиканың Юғары суды ошондай ҡарарҙы раҫланы.

Асыҡланыуынса, былтыр ғинуарҙа ҡаты сирләгән 60 йәшлек ҡатынды Стәрлетамаҡтың 1-се ҡала дауахана­һына килтерәләр, “панкреатит” тигән диагноз ҡуялар. Бер аҙна дауалан­ғас, ул өйөнә ҡайтарыла. Күп тә үт­мәй ҡатындың хәле ауырая. Ул ҡа­ла­ның 2-се дауаханаһына оҙа­тыла. Табиптар, үпкәһе шешкән тип, пациентты БДМУ клиникаһына күсе­рә. Үпкәһенә операция яһаған­дан һуң, ул вафат була.
Экспертиза үткәргәс, пациенттың аппендицит менән сирләүе асыҡ­лана. Табиптар тейешле тикшереү үткәрмәүҙә, ашығыс операция яһа­мау­ҙа ғәйепләнә. Суд был ойошма­ларға ҡатындың иренә 1 миллион һум аҡса түләү бурысын йөкмәтте.